CL កាច់ Kylie Jenner និង Beyonce ឈ្នះពាន "Best Style” ឆ្នាំ២០១៦

តារាចម្រៀងកូរ៉េ CL ថ្មីៗនេះត្រូវបានគេបោះឆ្នោតទទួលជ័យលាភី “Best Style” (ស្ទីលស្លៀកពាក់កាលីបជាងគេ) ក្នុងឆ្នាំ២០១៦ ដោយបានបំបាក់តារាស្រីពិភពលោកជាច្រើន។

CL គ្រងតំណែងនេះក្នុងកម្មវិធីពានរង្វាន់ PopCrush Fan Choice Awards ។ ក្នុងការឈ្នះនេះ តារាស្រីកូរ៉េវ័យ២៥ឆ្នាំ បានឈ្នះក្នុងការបោះឆ្នោតលើតារាល្បីៗអាមេរិកជាច្រើនដូចជា Kylie Jenner, Lady Gaga និង Beyonce។ ការបោះឆ្នោតនេះគេផ្ដល់លើការស្លៀកពាក់របស់តារាណា ដែលមានការកោតសរសើរជាងគេលើពិភពលោក។

ក្នុងលទ្ធផល CL ទទួលបានសំឡេងឆ្នោត៦៤% និងលេខពីរបានទៅតារាចម្រៀងអាមេរិក Lauren Jauregui មាន២២%។ CL តែងតែទទួលបានការសរសើរសម្រាប់ហ៊ានស្លៀកសិចស៊ីនិងមានស្ទីលតែមួយគត់នៃការស្លៀកពាក់របស់នាង។ ដោយសារតែមានស្ទីលតែមួយគត់នៃការស្លៀកពាក់នេះហើយ បានធ្វើឲ្យអតីតសមាជិកក្រុម 2NE1រូបនេះឈរលើគេនៅ K-pop៕